«Euronews» телеканалы Өзбекстанда өткөн президенттик шайлоодо Шавкат Мирзиёев 90% добушка ээ болуп жеңип чыкканын кабарлады. «Euronews» каналынын видео билдирүүсү социалдык тармактарда тарады.
Өзбекстандын БШКсы шайлоонун алдын ала жыйынтыктары тууралуу маалыматты четке кагып, шайлоонун жыйынтыгы боюнча расмий маалымат качан жарыяланарын эскертти.
«Бул маалымат чындыкка дал келбейт. Алдын ала жыйынтыктарды Өзбекстандын Борбордук шайлоо комиссиясынын төрагасы Зайниддин Низамходжаев бүгүн, Ташкент убактысы боюнча саат 16:00дө жарыялайт», — деп билдирди БШК.