Жогорку Кеңештин төрагасынын орун басары Аида Касымалиева 2021-жылдын 28-ноябрына чейин ЖК төрагасынын милдетин аткарат. Бул тууралуу парламенттин расмий сайтында маалымдалат.
«Аида Касымалиева 2021-жылдын 28-ноябрына чейин Талант Мамытов алдыдагы парламенттик шайлоого талапкер катары катышуусуна байланыштуу Жогорку Кеңештин Төрагасынын милдетин аткарат», — деп айтылат маалыматта.
Белгилей кетсек, парламенттик шайлоо 28-ноябрда өтөт.