Жогорку Кеңештин 2-декабрдагы жыйынында депутат Шайлообек Атазов парламенттин төрагасынын орун басарын шайлоону сунуштады.
«Комитеттин чечими бар, күн тартибине киргизип берсеңиз», — деди ал төарайымдын милдетин аткаруучу Аида Касымалиевага.
«Ар бир депутат вице-спикерликке шайланууга укугу бар, бирок ыйгарым укуктарыбыздын бүтүшүнө 10 күндөй убакыт калды. Моралдык жактан алганда, бул туура эмес», — деп жооп берди ал кесиптешине.
Айрым маалыматтарга караганда, бул кызматка Экмат Байбакпаевдин («Республика – Ата Журт») талапкерлиги сунушталууда.
Буга чейин парламенттик шайлоого байланыштуу төраганын орун басарларынын бири Нурбек Сыдыгалиев кызматтан кеткен. Дагы бир төраганын орун басары А. Касымалиева Жогорку Кеңештин төрайымынын милдетин аткарат.