БШК 18-декабрга чейин шайлоонун жыйынтыгын чыгара турганын БШКнын төрайымынын орун басары Абдыжапар Бекматов билдирди.
Анын айтымында, айрым аймактарда добуштарды кайра саноо аяктады, жыйынтыктар чыкты. Ал эми 26 шайлоо участкасында жыйынтыктар жокко чыгарылды. БШК мунун баарын эске алуу менен жыйынтык чыгарат.
Бишкек шаарындагы Биринчи май жана Свердлов бир мандаттуу округдарындагы жарандардын көбү «баарына каршы» добуш беришти. Бул округдарды шайлоонун жыйынтыгы чыгарылгандан кийин бир айдын ичинде кайра шайлоо дайындалат.