Түркия ТИМ жетекчиси Израилдин премьерин Палестинадагы туракжайлардын аннекцияланышы боюнча сындады.
Түркия ТИМнин башчысы Мевлют Чавушоглу Израилдин премьер-министри Биньямин Нетаньяхуну Иордан дарыясынын Батыш жээги боюнча билдирүүсү үчүн сынга алды.
«Батыш жээк – бул эл аралык укуктарга каршы келген Израил оккупациялап алган тарыхый палестиналык жер. Нетаньяхунун шайлоо алдындагы жоопкерчиликсиз билдирүүлөрү ички электоратка карай жасалууда жана аймактын абалын эч кандай өзгөртө албайт»,- деп жазды түркиялык дипломатиянын башчысы социалдык тармактарда.
Мындан мурда Нетаньяху 9-апрелде Израилде боло турган парламенттик шайлоодо жеңишке жетишип калса, Иордан дарыясынын Батыш жээгинин аймагындагы мыйзамсыз еврей туракжайларын аннексиялай тургандыгын убада кылган.