Кыргызстандын кыз-келиндер күрөшү боюнча курама командасы 2021-жыл ичиндеги эң мыкты 5 команданын катарына кирди. Бул тууралуу Бириккен күрөш дүйнөсүнүн (UWW) сайтында жарыяланды.
Тизмеге жалпы жонунан беш команда кирди. Анын курамындагылар эл аралык беттештерде эң жогорку көрсөткүчтөргө жетишкен. Кыргызстан курама командасы төртүнчү орунду ээледи.
«Кыргызстандын кыз-келиндер күрөшү боюнча курама командасы дүйнөлүк спорттук аренада чоң ийгилик жаратты. Норвегиядагы дүйнө чемпионатында команда үч медаль алды, анын экөө алтын», — деп айтылат роликте.
Биринчи орунга – Жапония, экинчи орунга – Орусия, ал эми үчүнчү орунга – Украина чыкты.