2022-жылдын 15-январында Москвадагы Мамлекеттик Кремль сарайында «Борбор Азия элдеринин достугу» аталышында жаңы жылдык гала-концерт өтөт. Бул тууралуу Кремль сарайынын сайтында маалымдалды.
Концертте Кыргызстандын, Өзбекстандын, Европанын жана Азиянын популярдуу артисттери өз өнөрлөрүн тартуулайт. Кеченин конокторун жалпыга маалымдоо каражаттарынын өкүлдөрү куттукташат.
Концерттин катышуучулары: Озода Нурсаидова, Жеңишбек Жумакадыр, Мирбек Атабеков, Дөөлөт Сыдыков, Нурчолпон, Светлана Назаренко, «AKCENT» тобу, «RAY HORTON», Нарек Бавеян, Зарина Тилидзе, Алла Духованын «ТОДЕС» шоу-балети, Кыргыз улуттук «Шайыр-Апалар» хору, «Улуу-Көч» фольклордук камералык оркестри, Тимур Кожобеков, Байсал Изабеков жана башкалар.
Кеченин коноктору: Акжол Махмудов, Айсулуу Тыныбекова, Мээрим Жуманазарова, Денис Гайворонский, Чолпонбек Акматов, Жумадыл Эгембердиев, Эдуард Кубатов, Асель Сыдыкова, Сайкал Асылбекова, Чолпонбек Жумашукуров.