Ооганстанда талибдер автобус айдоочуларына намаз убагында жумушун токтото турууну сунуштады. Ал эми аялдар хиджабы жок жүрбөш керек. Бул тууралуу РИА Новости Ооганстандын өкмөтүнүн маалыматына таянып жазды.
Маалым болгондой, аял киши хиджабы жок коомдук транспортко түшө албайт. Ошондой эле алар туугандарынын коштоосу жок 78 чакырымдан алыс эч жакка бара алышпайт.
Буга чейин талибдер автоунааларда музыка коюга тыюу салган. Мындан сырткары, айдоочуларга аялдарды хиджабы жок ташыбоо талабын коюшкан.