Кыргызстандык аскер кызматкерлери 14-январда Казакстандан кайтып келишти.
Кыргызстандын Куралдуу күчтөрүнүн тынчтык орнотуучу аскер контингенти Алматыдан «Ак-Жол» көзөмөл-өткөрмө пункту аркылуу келди. Аскер кызматкерлери Токмок шаарына жөнөтүлөт.
7-январда Кант авиабазасынан «Скорпион» атайын бөлүгүнүн 150 офицери, 19 даана бронетехника жана техника Казакстанга жөнөп кеткен.
Кыргызстандык аскерлер Алматы шаарындагы маанилүү стратегиялык объект — ЖЭБ-2ни кайтарышты.