Алматы шаардык прокуратурасынын алдына чогулган ондогон киши январь окуяларында кармалган жакындарын бошотууну талап кылышты. Алардын айрымдары туугандары убактылуу тергөө жайында «эч күнөөсүз» отурганын айтышты. Алар «Боштондук!» деген ураандарды чакырып турушту.
Алматы шаарынын прокурору чогулгандарга чыккан жок. Бостандык районунун прокурору Ерлан Омарбаев чыгып, арыз жолдоо керек экенин айтты.
Расмий маалыматка ылайык, январь окуясы боюнча жалпы 2044 кылмыш иши козголуп, 800дөн көп адамды камоо тууралуу соттун чечими чыккан. Бийлик он миңден ашуун адам кармалганын билдирген.