Украинанын Түркиядагы элчилиги Анкараны «кыйынчылык учурда» Киевди колдоого чакырды. Бул маалымат элчиликтин Твиттер баракчасында жарыяланды.
«Стратегиялык өнөктөшүбүз болгон Түркиядан жана дос түрк элинен кыйын учурда колдоо көрсөтүүсүн сурайбыз»-деп жазылат маалыматта.
Эскерте кетсек, бүгүн эртең менен Россиянын президенти Владимир Путин Донбасста атайын аскердик операция жүргүзүлөрү тууралуу жарыялаган. Украинада аскердик абал режими киргизилди.