Азербайжандын Киевдеги элчилигинин билдирүүсүндө, Украинанын Одесса шаарынан Молдова тарапка бара жаткан 8 унаадан турган конвойдо азербайжандарды ташыган унаалардын болгонун айтты.
Билдирүүдө Приднестровье аймагына жакын жерде конвойго белгисиз адамдардын ок чыгарганы, окуяда бир үй-бүлөдөн 3 кишинин каза болгондугу, 4 кишинин жараланганы маалымдалды.
Билдирүүдө Харьков шаарында суу алганы чыккан 33 жаштагы азербайжандын белгисиз тараптан келген октун кесепетинен каза болгондугу белгиленди.
26-февралда Херсон шаарында орусиялыктардын чабуулунун натыйжасында азербайжандык эне жана анын 2 бойго жеткен баласы каза болгон.
Орусия Украинага каршы аскердик операциясын 24-февралда баштаган.