Украинанын президенти Владимир Зеленский 1-мартта экинчи жолу видео кайрылуу таратып, Харьков шаары орус аскердик күчтөрүнүн интенсивдүү аткылоосуна дуушар болгонун билдирди. Ал Харьков шаары реактивдүү жана канаттуу ракеталык аткылоолорго кабылып жатканын айтып, муну ачыктан-ачык жасалып жаткан «террор» деп атады.
Зеленский мындай кол салууну жасаган Орусияны “террордук фмамлекет” деп атап, аны “эч ким эч качан кечире албай турганын” кошумчалады.
28-февралда жана 1-мартта Орусиянын авиациялык күчтөрү Украинанын Харьков шаарын бомбалады. Артиллериялык жана ракеталык аткылоо да уланууда. Интернетте тараган видеодо атылган ракета шаардын администрациясынын жанында жарылганын көрүүгө болот.