Бүгүн, 11-майда Бишкекте Куран майрамы өткөрүлөт. Бул тууралуу Кыргызстан мусулмандарынын диний башкармалыгы билдирди.
“Курандан дилим тазарат” аттуу иш-чара Улуттук филармонияда өтөт.
Иш-чаранын максаты Куран аяттарын чечмелөө экени айтылды. Анда өлкө аймактарынан тандалган мыкты карылар Куран окуса, белгилүү дин аалымдары аяттарды чечмелеп, түшүндүрүп берет.
Мындай майрам Кыргызстанда биринчи жолу өткөрүлүп жатканы маалым болду.