2022-жылы Жалпы республикалык тестирлөөдө 57 окуучу эң жогорку баллга ээ болду. Бул тууралуу Билим берүү жана илим министрлиги билдирди.
Быйыл эң жогорку балл 235 болуп, аны Бишкек шаарындагы №70 мектеп-гимназиясынын бүтүрүүчүсү Эрлан Көлбаев алды.
Жалпы республикалык тестирлөөнүн жыйынтыгы боюнча 235тен 221ге чейин упай топтогондор:
- Бишкек шаарынан – 35 окуучу;
- Ош облусу – 7 окуучу;
- Ысык-Көл облусу – 5 окуучу;
- Чүй облусу – 4 окуучу;
- Баткен облусу – 3 окуучу;
- Нарын облусу – 2 окуучу;
- Жалал-Абад облусу – 1 окуучу.
Белгилей кетсек, 24-25-июнда өткөн ЖРТнын III этабынын жыйынтыгы менен тизме толукталышы мүмкүн. 2021-2022-окуу жылында 9-классты 106 миң 219 бүтүрүүчү, 11-классты 67 миң 45 бүтүрүүчү аяктады.