Сербиялык теннисчи Новак Жокович Уимблдон турниринде жетинчи жолу чемпион болду. Финалда ал австралиялык Ник Кирьосту жеңди. Бул Жоковичтин Чоң шлем турнирлериндеги 21-жеңиши.
Акыркы төрт Уимблдонду да жеңген Жокович турнирде 7-ирет кубоктун ээси болду.
Серб теннисчи 21-чоң шлем чемпиондугун жеңип эркектер арасында 20 чемпиондукка ээ болгон швейцариялык Рожер Федерерди артта калтырса, бул жааттагы лидер испаниялык Рафаэль Надалдын (22) рекордуна бир кадам жакындады.
Чоң шлем турнирлеринин 32-финалына чыккан Жокович бул тармакта болсо Федерерди (31) жана Надалды (30) ашып өттү.
Новак Жокович ошондой эле 2 миллион фунт стерлинг акчалай сыйлык алды.