Америка Кошмо Штаттары (АКШ) Украинага 1,7 миллиард долларлык жаңы бюджеттик жардам көрсөттү.
АКШнын Эл аралык өнүктүрүү боюнча агенттиги (USAID) Каржы департаментинин координациясында Дүйнөлүк банк аркылуу өзгөчө саламаттыкты сактоо кызматкерлеринин эмгек акысын төлөө үчүн Украина өкмөтүнө 1,7 миллиард долларлык бюджеттик жардам көрсөтүлгөнүн жарыялады.
Агенттиктин жазуу түрүндөгү билдирүүсүндө: «Президент Жо Байдендин Украинанын президенти Владимир Зеленскийге бюджеттик жардам көрсөтүү убадасына ылайык, Эл аралык өнүктүрүү боюнча агенттиги USAID, АКШнын Каржы департаментинин координациясында Украина өкмөтүнө кошумча 1,7 миллиард долларлык бюджеттик жардам берди», — деп айтылды.
Дүйнөлүк банк аркылуу бериле турган бул жардамдын 24-февралда башталган Орусия согушунан улам Украина бюджетинде пайда болгон тартыштыкты жабууга жардам берери белгиленген билдирүүдө, акыркы жардамдар менен негизги муктаждыктардын камсыздалары жана өзгөчө медицина кызматкерлеринин айлыктары төлөнө турганы кабарланды.
Билдирүүдө USAIDдин Украинанын көптөгөн негизги муктаждыктарын канааттандыруу үчүн Украина өкмөтүнө ушул убакка чейин 4 миллиард долларлык түздөн-түз бюджеттик жардам бергени маалымдалды.