Түркия 2011-жылдан бери 9 миң чет элдик террористти депортациялады.
Ички иштер министрлигинин Миграция башкармалыгынан берилген маалыматта, ПКК/ПЙД жана ДЕАШ сыяктуу террордук уюмдарга кошулуу үчүн Түркияга келген чет элдик террористтерди депортациялоо иштеринин уланып жатканы белгиленди.
Билдирүүдө Сирияда 2011-жылы башталган жарандык согуштан бери 100дөн өлкөдөн келген 9 миң чет элдик террористтин депортациялангандыгы кабарланды.
Депортацияланган чет элдик террористтерди улуттарына жараша тизмелегенде Европа Биримдиги (ЕБ) өлкөлөрүнүн биринчи орунда экени, жүргүзүлгөн иштердин алкагында 2011-жылдан бери Америка Кошмо Штаттарынан 59 жана ЕБге мүчө өлкөлөрдөн 1109 чет элдик террористтин өз өлкөлөрүнө жөнөтүлгөнү айтылды.
Билдирүүдө 2019-жылы 12 ЕБ өлкөсүнөн 126, 2020-жылы Евробиримдиктин 8 өлкөсүнөн 95, 2021-жылы 8 ЕБ өлкөсүнөн 69 чет элдик террористтин депортациялангандыгы маалымдалды.
Ушул жылдын 7 айында Европа Биримдиктеги 6 өлкөдөн 20 чет элдик террористтин депортациялангандыгы белгиленген билдирүүдө: «2019-жылдын башынан бери өз өлкөлөрүнө кайра жөнөтүлгөн чет элдик террористтердин арасында биринчи сегиз улут (ЕБге мүчө мамлекеттер) Франция, Германия, Нидерландия, Бельгия, Финляндия, Румыния, Швеция жана Австрия болду» деп айтылды.