Түркиянын вице-президенти Фуат Октай Жээнбек Кулубаевди кабыл алды. Түркиянын президенттик комплексинде өткөн жолугушууда эки өлкөнүн ортосундагы экономикалык, соода, саясий жана маданий алакалар талкууланды.
Анын алкагында эки өлкөнүн ортосундагы соодада улуттук валюталарды колдонуу жана Түркия-Кыргызстан инвестициялык фондун түзүү боюнча макулдашылды.
Жолугушууда быйыл өткөрүлүшү пландалган Түркия-Кыргызстан Жогорку Стратегиялык Кызматташтык Кеңешинин күн тартибинде болушу мүмкүн болгон маселелер боюнча кеңешүүлөр болду.
Түрк Мамлекеттери Уюмунун ишине да баа берилген жыйында министр Кулубаев Бурсанын Изник районунда 29-сентябрдан 2-октябрга чейин өтө турган «IV Дүйнөлүк көчмөндөр оюндарынын» ачылыш аземине Кыргыз Республикасынын Президенти Садыр Жапаров катышаарын жана Министрлер кабинетинин төрагасы Акылбек Жапаров жабылыш аземине катышаарын билдирди.