Орусиянын тышкы иштер министри Сергей Лавров Түркиянын президенти Режеп Таййип Эрдоган менен Орусиянын президенти Владимир Путиндин бүгүн Казакстандын борбор шаары Астанада жолугушарын айтты. Сергей Лавров Россия 1 каналында маалымат берди. Лавров Түркиянын Украина менен сүйлөшүүлөрдү өткөрүү сунушу тууралуу: «Эрдоган менен Путин бул жумада (12-13-октябрь) Астанада (Азияда кызматташуу жана ишеним арттыруучу чаралар конференциясынын 6-саммитинин негизинде) жолугушат, бул жыйын бул маселелерди сүйлөшүү үчүн бир мүмкүнчүлүк», — деди.
Москванын ар кандай сүйлөшүү сунуштарын угууга даяр экенин, бирок алгач демилгелердин мазмунун билиши керектигин баса белгилеген Лавров: «АКШ президент Жо Байден менен Путин жолугушуусу сунушун киргизе турган болсо карап чыгабыз», — деди.