Түркмөнстандын Анев шаары “2024-жыл түрк дүйнөсүнүн маданий борбору” деп жарыяланды. Бурсада өткөн ТҮРКСОЙдун Маданият министрлеринин Туруктуу кеңешинин 39-кезектеги жыйынынын жыйынтыктоочу декларациясында маданий борбор катары тандалган шаарлардын ортосундагы өз ара аракеттенүүнү улантуу максатында Түрк дүйнөсүнүн маданий борборлорунун биримдигин түзүү идеясы жылуу кабыл алынып, ТҮРКСОЙдун Башкы катчылыгына зарыл иштерди улантуу тапшырылды.
Кеңештин Маданият жана туризм министрлигинин сунуштары менен түрк дүйнөсүнүн маданий мурастары тууралуу маалымдуулукту арттыруу жана мүчө өлкөлөр ээлик кылган бул баалуулуктардын туристтик потенциалына салым кошуу максатында ТҮРКСОЙдун жетекчилиги астында Түрк дүйнөсүнүн материалдык жана материалдык эмес маданий мурастарын сертификациялоо программасын иштеп чыгуу, программаны мүчө мамлекеттерге сунуштоо жана аны жайылтуу боюнча биргелешкен иш-чаралардын жүргүзүлүшү боюнча чечим кабыл алынганына токтолгон декларацияда, Түркмөнстандын тарыхый Анев шаарынын 2024-жылы Түрк дүйнөсүнүн маданий борбору деп жарыяланганынын маалыматы бөлүшүлдү.
Декларацияда «Туруктуу кеңеш 2021 жана 2022-жылдары Түркия Республикасынын Маданият жана туризм министрлиги тарабынан ийгиликтүү уюштурулган Коркут Ата Түрк дүйнөсү кинофестивалынын ТҮРКСОЙдун салттуу иш-чараларына кошууга жана Түрк дүйнөсүнүн маданий борбору деп жарыяланган шаарларда өткөрүлүшүнө чечим чыгарды»,деп айтылат.
Декларацияда 2023-жылы ТҮРКСОЙго мүчө өлкөлөрдө атактуу казак композитору Темирбек Жургеновдун 125 жылдыгы, Кыргыз эл артисти Бакен Кыдыкееванын 100 жылдыгы, түрк эл акыны Мехмет Акиф Эрсойдун 150 жылдыгы, белгилүү окумуштуу Бирунинин 1050 жылдыгы жана Түндүк Кипр Түрк Республикасынын белгилүү сүрөтчүсү Исмет Вехит Гүнейдин 100 жылдыгы белгиленет.
Кошумчалай кетсек, декларацияда ТҮРКСОЙдун Туруктуу кеңешинин 40-кезектеги координаторлугу Азербайжандын маданият министри Анар Каримовго жүктөлөрү жана жыйын 2023-жылдын аягында Түрк тилдүү мамлекеттердин маданий борбору Шуша шаарында өтөөрү белгиленди.