Бишкекте бир нече мектеп менен бала бакчаларында жылуулук өчүрүлгөнүн калаа мэриясы билдирди.
Жылуулук системасы ишке киргенден кийин авариялык кырдаал жаралып, мындан улам №65 жана 39-мектептерде, №173 жана 75-бала бакчаларда жылуулук берүү токтотулган.
Көйгөй жоюлганга чейин №65 мектеп онлайн окутууга өттү.
№ 39-мектеп дагы жылуулук толук берилбей, балдар баары бир блокто гана окууда.
Ал эми № 50 мектепте ремонт иштери аяктабай, окуу онлайн улантылат.