Орусия менен согуш уланып жаткан Украинанын Херсон шаарында жашаган 84 месхет түркү Түркияга сапар алды. Алар Грузиянын чек арасынан өтүштү. Түркиянын Тышкы иштер министрлиги жана Түркиянын Москвадагы элчилигинин демилгелери менен Херсондон чыгарылган 84 месхет түркү Орусиядан чыгып Грузияга келди. Буларга мурдараак Орусияга барган 4 месхет түркүнүн да кошулушу менен жүргүнчү саны 88ге жетти. Месхет түрктөрүнүн Грузия чек арасынан Түркиянын чек арасындагы Сарп өткөрмө пунктуна барышы 12 саатка созулушу күтүлүүдө.
Бир тараптан Түркиянын Тбилиси элчилиги да керектүү чараларды көрдү. Грузия аркылуу Түркияга келиши күтүлгөн месхет түрктөрүнүн кириши жана коноктошу үчүн керектүү даярдыктар тиешелүү органдар тарабынан бүткөрүлдү.
Көпчүлүгү кары-картаң 84 месхет түркү Орусия аркылуу Түркияга келүү үчүн 31-октябрда Херсондон жолго чыгышкан.