Израиль аскерлери басып алган Батыш Шериадагы Женин шаарында 2 палестиналыкты өлтүрүп, 8 палестиналыкты жаралады.
Палестинанын расмий кабар агенттиги WAFAнын кабарына караганда, Жениндеги Ибни Сина ооруканасынын директору Самир Атиййе, баскынчылардын шаардын батыш тарабындагы Кефр Дан айылында рейд учурунда оккупациялык күчтөрдүн аткылоосунда 2 кишинин каза болгонун, бири оор 8 кишинин жараланганын жарыялады.
Маалыматта Израиль армиясынын Кефр Дан айылына көп сандаган аскери менен кол салуусунан мурда каза болгон палестиналык Абдуррахман Хани Абиддин үйүн жок кылуу максатталганы, сөз болуп жаткан үйдү тосуу операциясында аймактагы баскынчылар менен жаштардын ортосунда кагылышуу болгондугу белгиленди.
Израиль өзү басып алган Батыш Шериада жана Чыгыш Кудуста байма-бай рейддерди уюштуруп, палестиналыктарды түрдүү айыптоо менен камоого алып келет. Рейддерге реакция кылган палестиналыктар менен Израил аскерлеринин ортосунда мезгил-мезгили менен окуялар болуп турат.