Былтыркы жылы пенсияларды жана жөлөкпулдарды төлөө боюнча кызматтар үчүн мамлекеттик чыгашалар 83 млн 407 миң 954 сомду түздү. Бул тууралуу Каржы министрлигинин маалыматтарында айтылат.
Анын 75 млн 803 миң сому коммерциялык банктар тарабынан пенсия жана жөлөкпулдарды төлөө боюнча кызмат көрсөтүүлөргө, дагы 7 млн 604,9 миң сому «Кыргызпочтасы» мамлекеттик ишканасынын кызмат көрсөтүүлөрүнө жумшалган.
Бул сумманын басымдуу бөлүгү республикалык бюджеттен (81,9 млн сом), 1,6 млн сому жергиликтүү бюджеттен төлөнгөн.