Ысык-Көлдү балыктандыруу максатында Жети-Өгүз районундагы Липенский булуңуна 600 миң даана сига-лудога балыгынын чабактары, Жети-Өгүз, Жыргалаң жана Ак-Суу дарыяларына 130 миң даана форель-гегаркуни балыгынын чабактары кое берилди.
Айыл чарба министрлигинен билдиришкендей, балыктар “Тоң балык заводу” мамлекеттик ишканасынын инкубациялык цехинде өстүрүлгөн.
Март айындагы актыларга ылайык, “Тоң балык заводу” ишканасынын инкубациялык цехинен 4 млн 600 миң даана сига-лудога балыгынын чабактары, 300 миң даана форель-гегаркуни балыгынын чабактары кое берилген.
3-апрелге карата бардыгы болуп “Тоң балык өстүрүү заводу” ишканасынын инкубациялоо цехинен балыктандыруу максатында 4 млн 900 миң балык чабактары кое берилген (сига-лудога — 4 млн 600 миң даана, форель-гегаркуни 300 — миң даана).
“Тоң балык өстүрүү заводу” мамлекеттик ишканасында сига-лудога балыгын чыгаруу боюнча иш-чаралар жакынкы мезгилде улантылат.