Кыргызстандын биринчи президенти Аскар Акаевдин Исхак Раззаков атындагы Кыргыз мамлекеттик техникалык университетинде лекция окуу ниети ишке ашпай калды. Акаевдин лекциясы болбой турганы бүгүн расмий түрдө айтылды. Политех менен катар Илимдер Академиясы да Акаев лекция окуйт деген имиштерди төгүндөдү.
Акаев менен анын жубайы КМТУ менен Улуттук илимдер академиясында лекция окуйт деген маалымат 20-майда тараган болчу.
Мурдараак Исхак Раззаков атындагы Кыргыз мамлекеттик техникалык университетинин кээ бир студенттери КРдин биринчи президенти Аскар Акаевдин бул окуу жайда лекция окушуна каршы чыгышып митинг уюштурушкан.