Жай мезгилинде Панфилов сейил багындагы аттракциондорго арзандатуулар болот. Бул тууралуу Бишкек мэриясы кабарлайт.
Мэриянын маалыматына караганда, бардык жарандар үчүн, өзгөчө социалдык жактан аялуу үй-бүлөлөрдүн балдары үчүн арзандатуулар каралат.
Ар шаршемби күнү саат 10:00дөн 18:00гө чейин чоңдор жана балдар үчүн 50 сомдук бир жолку билет, ошондой эле аттракциондорго 80 сомдук билет алууга болот.
Акция жайдын аягына чейин уланат. Мэрия бардык аттракциондор техникалык кароодон өткөнүн билдирди.