Иран Шанхай кызматташтык уюмуна толук кандуу мүчө болуп кирди. Бул тууралуу саммитте кабыл алынган декларацияда айтылат.
Белгилей кетсек, бүгүн Индиянын төрагалыгы алдында ШКУ өлкө башчыларынын кезектеги саммити онлайн-форматта өтүп, ага КР президенти Садыр Жапаров катышты.
«Иран Ислам Республикасынын ШКУга мүчө болушу тарыхый мааниге ээ», — деп белгилешкен мамлекет башчылары.
Жыйындын жүрүшүндө президент Садыр Жапаров дагы сөз сүйлөдү.