Мамлекеттик бажы кызматы тарабынан Кыргызстанга алып келинген бургулоочу машиналар боюнча мыйзам бузуу аныкталды. Бул туурасында аталган мекеме билдирет.
2022-жыл аралыгында Түркиядан «П.С.С.И.Т» ЖЧКсынын дарегине «PD 500» үлгүсүндөгү 6 бургулоочу машиналар келген жана алар «Убактылуу ташып келүү» жол-жобосу боюнча бажы шарттарында таризделгени аныкталган.
Бирок кийинчерээк аталган жол-жободо каралган мөөнөттөр бузулуп, натыйжада Кыргызстандын бюджетине туумдарды кошпогондо 4 млн 503 миң 340 сом зыян келтирилген.
Факт КБР МКЖ АДСке катталып, чогултулган материалдар процессуалдык чечим кабыл алуу үчүн КР Башкы прокуратурасына өткөрүп берилди.