Нигерде 26-июлдагы аскердик төңкөрүштөн кийин Батыш Африка мамлекеттеринин экономикалык коомчулугу (ECOWAS) аскердик хунтага берген бир жумалык мөөнөт аяктады.
ECOWAS тарабынан 30-июлда аскердик хунтага президент Мохаммед Базумду бошотуу жана анын кызматка кайтып келиши үчүн берилген 7 күндүк мөөнөт жергиликтүү убакыт боюнча саат 00.00дө аяктады.
ECOWAS бул мөөнөт ичинде талаптары аткарылбаса, аскердик кийлигишүү менен кошо бардык варианттарды карап чыга тургандыктарын билдирген, бирок убакыт өтсө дагы күтүлгөндөн айырмаланып, аскердик операцияны баштаган жок.
Белгиленген мөөнөткө бир нече саат калганда аскердик хунта, Ата Мекенди коргоо боюнча Улуттук Кеңеш (CNSP) тарабынан жасалган билдирүүдө, кол салуу ыктымалдыгына каршы Нигердин аба мейкиндигинин кийинки эскертүүгө чейин жабылганы жарыяланды.
Билдирүүдө чет өлкөнүн Нигерде ECOWAS менен кызматташтыкта операция даярдап жатканы айтылып, ECOWASтын буга чейин 2 Борбордук Африка өлкөсүнө аскер жайгаштырганы белгиленди.
Бул учурда Нигер бардык аба мейкиндигин кийинки эскертүүгө чейин жаап салганын билдирди.
Нигерия да Нигер менен болгон бардык чек араларын жаап жатканын жарыялады.
Нигериянын Бажы кызматынын (NCS) башкы текшерүүчүсүнүн милдетин аткаруучу Башир Адевале, бул чечим ECOWASтын жүктүн кыймылын кийинки эскертүүгө чейин токтотуу боюнча директивасына ылайык келерин айтты.
NCS чек ара жамааттарын толугу менен шайкештигин камсыз кылуу үчүн сездирерин баса белгилеген Адевале чечим эки өлкөнүн ортосундагы тынчтык жана ырааттуулук үчүн да кабыл алынганын кошумчалады.
Нигериянын президенти жана ошондой эле ECOWASтын президенти Бола Ахмед Тинубу, ECOWAS чек араларын Нигерге жабууну буйрук кылды.
Бир тараптан ECOWAS тарабынан жасалган билдирүүдө Нигериянын президенти жана ошондой эле ECOWASтын төрагасы Бола Ахмед Тинубунун Нигердеги төңкөрүшкө байланыштуу 10-августта кайрадан кезексиз саммит өткөрө турганы белгиленди.