Бишкек троллейбус башкармалыгы айдоочулардын жетишсиздигине байланыштуу «Т» категориясы бар айдоочуларды өз жамаатына чакырат. Бул тууралуу Бишкек шаардык мэриясынан билдиришти.
Маалыматта айтылгандай, ал эми жаңы баштагандар үчүн акысыз окуу жана стажировка бар, курсту аяктагандан кийин мэрия расмий ишке орношууга жана татыктуу эмгек акыга кепилдик берет.
«20-августтан тарта накталай эмес төлөмгө өткөн соң айдоочулардын айлык маянасы 50 миң сомду түзөт», — деп кошумчалашты мэриянын маалымат кызматынан.