Дүйнөлүк Cаламаттыкты сактоо уюмунун (ДССУ) абанын булгануу стандарты аткарылса, адамдын орточо өмүрү 2,3 жылга узартылышы мүмкүн.
Чикаго университетинин энергетикалык саясат институту (EPIC) тарабынан жарыяланган абанын сапаты жашоо индекси (AQLI) отчетунда абанын булганышынын адам жашоосуна тийгизген таасири изилденген.
Отчетто, эгерде бардык өлкөлөр ДССУнун абанын булганышы боюнча стандарттарына жооп берсе, адамдын орточо өмүрү 2,3 жылга узартылышы мүмкүн; Бул дүйнө калкынын жашоосун 17,8 миллиард жыл узартышы мүмкүн экени айтылды.
Абанын булганышынын адам өмүрүнө эң чоң тышкы коркунуч болуусу уланып жатканы баса белгиленген отчетто эң көп өлүмгө Түштүк Азияда себеп болгону белгиленди.
Отчетто Бангладеш, Индия, Непал жана Пакистанда азыркы булгануу деңгээлинин улануусу адамдын өмүрүн орточо 5 жылга кыскарта ала турганына көңүл бурулду.
Отчетто 2013-жылдан бери дүйнөдөгү булгануунун болжол менен 59 пайызынын бир гана Индиядан келип чыкканы ортого салынды.
Эгерде Нью-Делидеги абанын булганышы ДССУнун жылдык стандарттарына жооп берсе, Делинин жашоочуларына орточо эсеп менен 11,9 жылга узак жашоого мүмкүндүк берери белгиленди.
Отчетто Африка өлкөлөрүнөн Конго Демократиялык Республикасы, Руанда, Бурунди жана Конго Республикасынын дүйнөдө абанын эң булганган 10 өлкөсүнө киргени белгиленип, Азиянын жана Африканын көптөгөн аймактарында абанын булганышы менен күрөшүү үчүн инфраструктура жок экенине көңүл бурулду.
АКШда таза аба актысы күчүнө кирген 1970-жылга салыштырмалуу абанын булганышы бүгүнкү күндө 64,9 пайызга азайды; Өлкөдө орточо жашоо узактыгы 1,4 жылга узаргандыгы айтылат.
1998-жылга салыштырмалуу абанын булганышы 23,5 пайызга аз болгон Европада орточо жашоо узактыгы 4,5 айга өскөндүгү белгиленди.
AQLIнин негиздөөчүсү, профессор Майкл Гринстоун ошондой эле абанын булганышынын дүйнөдөгү жашоо узактыгына тийгизген таасиринин төрттөн үчү Бангладеш, Индия, Пакистан, Кытай, Нигерия жана Индонезияга байланыштуу экенин баса белгиледи.