Бишкектин Свердлов районунда транспорт салыгын төлөөдөн качкандарды аныктоо боюнча рейддер башталды. Бул тууралуу муниципалитеттин басма сөз кызматынан билдиришти.
Рейддин жүрүшүндө 38 унаа токтотулуп, айып салуу үчүн 5 акт түзүлдү.
Эскерте кетсек, транспорт каражаттарына салык төлөөдөн качкан жеке жактар үчүн — 1000 сом, юридикалык жактар үчүн — 5000 сом өлчөмүндө айып пул салынат. Транспорт салыгын төлөө мөөнөтү 2023-жылдын 1-сентябрында аяктаган.
Транспорт салыгын төлөөдөн качкардарды аныктоо боюнча рейдке муниципалдык администрация, Мамлекеттик салык кызматынын Свердлов району боюнча башкармалыгынын, Бишкек шаардык патрулдук милиция башкармалыгынын кызматкерлери тартылган.