Анкара университетинин Тил, тарых жана география факультетинде «3-Чыңгыз Айтматов күндөрү» аттуу жыйын «20-кылымга атын жаздырган ысымдар: Төрөкул Айтматов (1903-1938 ) жана Чынгыз Айтматов (1928-2008)» темасы менен өттү.
Жолугушууга Эл аралык Түрк маданияты уюмунун (ТҮРКСОЙ) башкы катчысы Султан Раев, Кыргызстандын Түркиядагы элчиси Руслан Казакбаев, Анкара университетинин ректору Проф. Д-р. Неждет Үнүвар, Женгиз Айтматовдун карындашы Роза Айтматова жана көптөгөн коноктор катышты.
ТҮРКСОЙдун башкы катчысы Раев бул жерде сүйлөгөн сөзүндө Айтматов түрк дүйнөсүнүн орток баалуулугу экенин айтып, Айтматовдун чыгармалары универсалдуу темалары менен бүткүл дүйнө жүзүнүн көңүлүн буруп жатканын баса белгиледи.
Айтматовдун дипломат жана жазуучу экенине көңүл бурган Раев, Айтматовдун идеялары Кыргызстандын эгемендүүлүгүнө жана эл аралык деңгээлде таанылышына салым кошконун баса белгиледи.
Раев, Чынгыз Айматовдун атасы Төрөкул Айтматов да Кыргызстандын улуттук маданиятына жана каада-салттарына берилген киши болгонуна көңүл бурду.
Чынгыз Айтматовдун чыгармаларында Кыргызстанды чагылдырганын белгилеген Раев: «(Бул жагдай) Чынгыз Айтматовдун чыгармаларында көбүнчө Кыргызстандын жерине, жаратылышына, элине берилгендиктин баалуулугунун жана чагылдырылышынын символу болуп саналат», — деп өз баасын берди.
Элчи Казакбаев ошондой эле Айтматов «түрк дүйнөсүнүн эс-тутуму» экенин белгилеп, «Ар бирибиздин өз Айтматовубуз бар, мен үчүн Айтматов биринчи кезекте кыргыз элинин маданиятынын, адабиятынын, бүтүндөй түрк дүйнөсүнүн тили менен адабиятынын бренди жана символу»,-деди.
Казакбаев Айтматов ЮНЕСКОнун маалыматы боюнча эң көп окулган жазуучулардын бири экенин айтып, анын чыгармаларында «терең философия» бар экенин белгиледи.
Айтматовдун Түркияда абдан сүйүлгөнүнө көңүл бурган Казакбаев, Айтматовдун ысымы Түркиянын көптөгөн тармактарында сакталып калганын кошумчалады.
Чынгыз Айтматов
Чынгыз Айтматов 1928-жылы 12-декабрда Талас облусунун Шекер айылында туулган.
Айтматов адабият таануудан тышкары Люксембург, Бельгия жана Нидерландияда элчи катары өз өлкөсүнүн атынан чыгып, Евробиримдик, НАТО, ЮНЕСКО жана Бенилюкс өлкөлөрүндө Кыргызстандын өкүлү болгон.
Айтматов 2008-жылы май айында орусиялык телеканалдардын бирине даректүү тасма тартууга барган Татарстандын борбору Казань шаарында ооруп калып, дарыланууга алып барган Германияда 10-июнда дүйнөдөн кайткан.