Мамлекет башчысы Садыр Жапаров Түндүк Кипр Түрк Республикасынын президенти Эрсин Татарды кабыл алды. Бул тууралуу президенттин басма сөз катчысы Аскат Алагозов билдирди.
Анын маалыматына караганда, Эрсин Татар Бишкектеги кыргыз-түрк “Манас” университети тарабынан уюштурулган коференцияга катышуу үчүн өлкөгө жеке визит менен келген.
«Тараптар бейформал жагдайда сүйлөшүп, тамактанышты», — деп кошумчалады президенттин маалымат катчысы.