Кыргызстандын футбол боюнча улуттук курамасы 2023-жылкы Азия Кубогунун алкагында Оманга каршы оюнда кызыл түстөгү формада ойнойт. Бул тууралуу Кыргыз футбол союзунан билдиришти.
Белгилей кетсек, Кыргызстан — Оман беттеши бүгүн Доха шаарындагы Абдулах бин Халифа стадионунда өтөт. Беттеш Бишкек убактысы боюнча саат 21:00дө старт алат.
Бишкекте күйөрмандар үчүн атайын фан-зона уюштурулат.
Азия Кубогунун бардык оюндарынын түз алып берүүлөрү Кыргызстандын аймагында «УТРК Спорт» каналында жеткиликтүү болот.