Бүгүн, 18-мартка карата Токтогул суу сактагычында суунун көлөмү 7 млрд 224 млн куб метрди түздү. Бул тууралуу “Электр станциялары” ААКнын басма сөз кызматы билдирди.
Маалыматка ылайык, суунун агып келиши секундасына 165 куб метрди түзсө, сууну керектөө секундасына 423 куб метрди түзүүдө.
Өлкөнүн энергетиктери керектөөчүлөрдү электр энергиясын сарамжалдуу пайдаланууга чакырат.