Пакистан Ооганстандагы пакистандык талиптердин жашыруун жайларын бомбалады.
Атын атагысы келбеген эки пакистандык коопсуздук жана чалгындоо кызматкерлерине таянган маалыматка караганда, армия эртең менен Пакистан чек арасында Ооганстандын Хост жана Пактика провинцияларында пакистандык талиптерге таандык делген баш калкалоочу жайларды бутага алды.
Пакистан армиясы бул маселе боюнча билдирүү жасабаганы менен, пакистандык талиптер чабуулдарды тастыктады.
Ооганстандагы Талибан башкаруусунун басма сөз катчысы Забихуллах Мужахид, Пактиканын Бармал аймагындагы кол салууларда 3 аял жана 3 баланын, Хосттогу кол салууларда 2 аялдын каза болгонун билдирип, окуяны айыптады.
Ошол эле учурда Пакистандын Тышкы иштер министрлигинен берилген жазуу түрүндөгү маалыматта Пакистан талиптеринин Ооганстанда болушуна байланыштуу «коопсуздуктун» Талибан башкаруучулугуна жеткирилгени белгиленди.
Билдирүүдө Пакистан талиптеринин өлкөнүн коопсуздугуна «коркунуч» туудурганы белгиленип, Ооганстандын «эгемендүүлүгүнө жана аймактык бүтүндүгүнө берилген маанини эске алуу менен» эки өлкөнүн ортосундагы диалог жана кызматташтыктын приоритеттүү экендиги баса белгиленди.
Билдирүүдө аймактын тынчтыгы жана коопсуздугу үчүн Пакистан талиптери сыяктуу топторго каршы Талибан башкаруусу менен кызматташууну уланта турганы белгиленди.
Пакистандын Хайбер-Пахтунхва провинциясынын Түндүк Вазиристан аймагында 16-мартта аскердик өтмөккө бомба жүктөлгөн унаа менен кол салуу болуп, андан кийин көптөгөн жанкечтилердин чабуулдары болгон.
Кол салуулар жана андан кийинки операция учурунда 7 пакистандык аскер каза болуп, 6 кол салуучу каза болду.
Пакистандын президенти Асиф Али Зардари аскерлерди акыркы сапарга узатуу зыйнатына катышып, өч аларын убада кылган.