Бүгүн кыргызстандыктар Орозо айтты майрамдайт.
Мусулмандар үчүн маанилүү деген майрамды өткөрүү жолун диний адистер төмөндөгүдөй кылып тизмектеди:
▪️Орозо айтты ар бир мусулман эркек жуунуп-тазаланып, айт намазга барышы керек.
▪️Ар бир үй-бүлө дасторконун колунан келишинче жайып, жакшы маанайда өткөрүшү керек. Орозо айтта мал союу шарт эмес.
▪️Тууган, кошуна, дос-тааныштарыныкына барып айттап, мүмкүнчүлүгү болсо белек берсе болот.
▪️Аялдарды үй жумушунан бошотуп, үй-бүлө мүчөлөрү чогуу майрамдаганы оң
▪️Араздашып кеткендерден Айтта кечирим сураса сообу көбүрөөк тиет.
▪️Айтты аша чаап шаан-шөкөткө айлантпаш керек.
Бул күнү ичимдик ичүүгө, бирөө менен араздашууга жана жаман сөздөрдү айтууга тыюу салынат.