Баткен районуна өзгөчө кырдаал режими киргизилди. Бул тууралуу Өзгөчө кырдаалдар министрлигинен билдиришти.
Маалыматка ылайык, күн мурун жаандан келген сел суулары турак үйлөргө кирип, ички чарбалык жолдорду каптаган.
Түзүлгөн кырдаалга байланыштуу район аймагында өзгөчө кырдаал режими жарыяланды.
Учурда сел кесепеттерин жоюуга Ак-Татыр айылынын Аэропорт жана Өрүкзар тилкесинде ӨКМден 121 куткаруучу жана 7 мотопомпо, облустук жарандык коргонуу кызматтары, ошондой эле 14 техника техника тартылды.