Кара-Кулжа районунун Кайын-Талаа айылында жайгашкан К.Мамаев атындагы мектептин курулушу уланууда. Курулуш иштери Архитектура, курулуш жана турак жай-коммуналдык чарба мамлекеттик агенттиги тарабынан жүргүзүлүүдө.
Ведомстводон маалымдашкандай, бүгүнкү күндө курулуш иштери 70 пайызга аткарылды. Долбоордо заманбап шарттары менен 275 окуучуга ылайыкталган, 2 кабаттуу окуу корпус, өтмө галерия жана спорттук залы куруу каралган.
Мектептин курулушу 2022-жылы башталып, республикалык бюджеттен каржыланууда.
Белгилей кетсек, эски мектеп 1964-жылы ашар жолу менен салынган.