Жалал-Абадда кыш өндүрүүчү компанияларга 1 млн сом айып салынды. Бул тууралуу Архитектура, курулуш жана турак жай-коммуналдык чарба мамлекеттик агенттигинен билдиришти.
Маалыматка ылайык, Мамкурулуш агенттигине караштуу Жалал- Абад регионалдык мамлекеттик-архитектура курулуш контролдоо башкармалыгы Сузак районундагы «Тумара» ЖЧК, Курук-Сай участкасындагы «Курук-Сай кыш заводу» ЖЧК, Сасык-Булак айылындагы «Арашан» ААК, Барпы айыл өкмөтүнүн Тобой айылындагы «Трасс ОсОО» ЖЧК, Барпы айыл өкмөтү Курук-Сай участогундагы «Султан-Ата» ЖЧКда пландан тышкары текшерүү жүргүзүп, жыйынтыгында ченемдик укуктук актылардын бузулган фактылары аныкталыды.
Аталган фактылар боюнча жазма буйруктар берилип КР Укук бузуулар жөнүндөгү кодекстин 144-беренсинин 1-пунктуна ылайык ар бир кыш өндүрүүчү заводго 200 миң сом айып пул салынып, жалпы 1 млн айып пул мамлекеттин эсебине өндүрүлдү. Мындан ары мыйзам чегинде тийешелүү иш-аракеттер уланат.