V Дүйнөлүк көчмөндөр оюндарындагы мелдештердин экинчи күнүнүн жыйынтыгында Кыргызстандын улуттук курамасы медалдардын саны боюнча 2-орунда келе жатат.
Кыргызстандыктар жалпысынан 14 медаль жеңди: 3 алтын, 7 күмүш жана 4 коло.
Жаа атуудан Исхак Токонов үчүнчү орунду ээледи, Асел Садырова экинчи орунду багындырды.
Казак күрөшүнөн Байбол Саламат уулу 66 кг салмакта 3-орунду алды, Кемал Оболбеков (55кг) – 2-орунду, Луиза Асакеева (48 кг) – 2-орунду ээледи.
Өзбек күрөшүнөн Ажар Исаева (70 кг) – 3-орунду, Бекболот Токтогонов (+100 кг) – 1-орунду алды.
Мас-рестлингде (таяк тартыш) Элза Абдыкадырова (55 кг) менен Уланбек Тургунбаев (65 кг) алтын утту, Бекмырза Токтошев (70 кг) менен Элдос Айтбаев (80 кг) – күмүш медаль тагынды.
Ат үстүндө күрөштөн Жекшенбек Турдубеков (60 кг) менен Райхан Бактыгул уулу (70 кг) күмүш медаль жеңсе, 3-орду Калыбек Бусурманкул уулу (80 кг) ээледи.
Мындан сырткары, ата мекендик спортчулар көк бөрү оюну боюнча Өзбекстандын командасын 12:6, көк пар (жер улак) боюнча Монголиянын командасын 16:0 ири эсебинде артта калтырышты.
Ошондой эле, чүкө оюну боюнча курама команда жарым финалга жолдомо алды.