Көптөгөн өлкөлөрдүн өкүлдөрү, Израилдин премьер-министри Биньямин Нетаньяхунун АКШнын Нью-Йорк шаарында Бириккен Улуттар Уюмунун (БУУ) Башкы Ассамблеясында сөз сүйлөөгө камданган учурда залдан чыгып кетишти.
Нетаньяху БУУнун 79-Башкы Ассамблеясында сүйлөө үчүн залга кирип, трибунага багыт алды. БУУдагы көптөгөн делегация, Нетаньяху БУУнун Башкы Ассамблеясында сөз сүйлөөсүн баштай электе эле залдан чыгып кетти.
Нетаньяху трибунада турганда да залдан кээ бир үндөр, кыйкырыктар угулуп турду.
Мурдараак эл аралык кылмыш сотунун прокурору Карим Хан тарабынан «согуш кылмыштарын» кылгандыгы себептүү камакка алуу ордери суралган Нетаньяхунун БУУда сүйлөөсүнө уруксат берилиши сынга алынган.
Кечээ Нетаньяхуга Манхэттен аймагында жайгашкан мейманканасынын айланасында миңдеген адамдар тарабынан да каршылык көрсөтүлгөн.