Ош облусунун Ноокат районунун Үч-Бай айылындагы 275 орундуу мектептин курулушу уланууда. Бул тууралуу Архитектура, курулуш жана турак жай-коммуналдык чарба мамлекеттик агенттигинен билдиришти.
Мамкурулуштун маалыматына ылайык, мектептин курулушу 2022-жылы республикалык бюджеттин эсебинен башталган.
Долбоор боюнча мектеп 4 блоктон турат, эки кабаттуу окуу корпус, өтмө галерея, спорттук зал, ашкана, сырткы ажаткана, кичи футбол, волейбол жана баскетбол аянтчалары курулат.
«Учурда мектептин курулушу 75 пайызга бүткөрүлдү. Курулуш-монтаждоо иштери “Грузо-Трейд” ЖЧКсы тарабынан жүргүзүлүүдө», — деп айтылат маалыматта.