Иорданиянын премьер-министри Жафер Хасан Ливандын премьер-министри Нежиб Микати менен аймакта Израиль тарабынан күчөтүлгөн чыңалууну талкуулады.
Иорданиянын расмий агенттиги PETRAнын кабарына караганда, Ливандын премьер-министри Микати Иорданиянын борбор шаары Амманга расмий сапарынын алкагында кесиптеши Хасан менен жолугушту.
Жолугушууда эки тарап Израилдин Ливанга чабуулдарын, ошондой эле аймактагы окуяларды жана чыңалуунун коркунучтуу түрдө күчөшүн талкуулашты.
Иорданиянын премьер-министри Хасан өлкөсүнүн падыша Абдуллах IIнин көрсөтмөлөрүнө ылайык Ливан менен бирге экенин, коопсуздугун, эгемендигин жана туруктуулугун колдой турганын, Израилдин ага каршы ырайымсыз агрессиясын чечкиндүү түрдө четке какканын айтып, БУУнун Коопсуздук Кеңешинин 1701 резолюциясын аткаруу зарылдыгын баса белгиледи.
Конок премьер-министр Микати да Иорданиянын башкаруу, өкмөт жана эл катары Ливанга мамилесин кубаттагандарын билдирди.