Чүй облусунун Заречное айылындагы Аламүдүн – Арашан – Кой-Таш унаа жолундагы көпүрөнү куруу иштери аяктап, пайдаланууга берилди.
Транспорт министрлигинен билдиришкендей, көпүрөнүн узундугу 23 метр, туурасы 13 метрди түзөт.
Белгилей кетсек, аталган көпүрөнүн жараксыз абалга келгенине байланыштуу 24-июлдан тарта убактылуу көпүрө салынып, автоунаалар үчүн каттам камсыз болгон.