2024-жылы Израиль армиясынын Газа тилкесиндеги кол салууларында 966 мечит жарым-жартылай же толугу менен талкаланган.
Палестинанын Фонддор жана дин иштери боюнча министрлигинен берилген жазуу түрүндөгү маалыматта Израиль армиясынын 2024-жылы Газада 815 мечитти толугу менен, 151 мечитти жарым-жартылай талкалаганы белгиленди.
Билдирүүдө Израиль армиясынын Газада 19 көрүстөн жана 3 чиркөөнү толугу менен жок кылганы белгиленди.
Билдирүүдө 2024-жылы басып алынган Чыгыш Кудуста Месжид-и Аксага жасалган чабуулдар тууралуу да маалымат берилди.
Израиль аскерлери менен Палестина жерлерин басып алган израилдиктердин 2024-жылы Месжид-и Аксага 256 жолу рейд жасаганы жана 2567 израилдик катышкан бул жортуулдарда диний жөрөлгөлөр жасалганы белгиленди.
Израилдин ашынган оңчул улуттук коопсуздук министри Итамар Бен-Гвирдин Месжид-и Аксага 7 жолу рейд жасаганы, мунун 4үнүн Газага кол салуулар башталгандан бери болгону белгиленди.
Израилдик күчтөр басып алган Батыш Шериадагы Эл Халил шаарындагы Харем-и Ибрахим мечитинде 2024-жылы эң аз 674 жолу азандын айтылышына тоскоол болгону жана мечиттин 10 жолу жабылганы белгиленди.
Билдирүүдө Израиль аскерлеринин 2024-жылы Батыш Шерианын ар кайсы аймактарында 20 мечитке кол салганы белгиленди.