The Wall Street Journal (WSJ) АКШнын чалгындоо кызматынын билдирүүсүнө ылайык, Израил Ирандын өзөктүк объектилерине кол салууларды даярдап жатат.
Чалгындоо маалыматы менен тааныш болгон булактардын айтымында, АКШ Израилдин Иранга сокку урууга даярданып жатканы тууралуу маалымат алды. Ага ылайык АКШнын мурунку президенти Жо Байдендин мөөнөтү аяктаганга чейин Израилдин Иранга кол салуу коркунучу кыйла жогорулаганы белгиленген.
Маалыматта Ирандын аскерий инфраструктурасы акыркы убактарда “алсырап” калганы, бул Жакынкы Чыгышта аскердик активдүүлүктүн күчөшүнө алып келиши мүмкүн экени айтылат.
Кошумчалай кетсек, АКШнын чалгын кызматы Дональд Трамптын президенттигинин алгачкы күндөрүндө Израил Ирандын өзөктүк объектилерине кол салууга даярданып жатканы тууралуу экинчи отчет даярдады.
WSJ булактары билдиргендей, Израил Тегеранды алсыратуу максатында Ирандын өзөктүк объектилерине «олуттуу соккуларды» баштоону караштырып жатат. Белгиленгендей, Трамп Байденден айырмаланып, мындай иш-аракеттерди көбүрөөк колдойт жана Израил анын администрациясына колдоо көрсөтүү үчүн кысым көрсөтүшү мүмкүн.
Доклад ошондой эле Израилдин чабуулдарды ишке ашыруу үчүн АКШдан аскердик жардамга жана ок-дарыларга муктаж болору баса белгиленген.